好多時候，學校、社區團體甚至朋友都話去做義工，究竟義工係做啲咩架呢？
除咗廣為人知嘅賣旗，義務工作其實好多元化，例如幫手計劃社區活動、協助健康檢查、評估家居安全、家居維修同埋清潔，甚至定期探訪服務對象等。如果你有一技之長，例如繪畫、手工藝、美容，只要你有Idea都可以一齊傾吓，點樣演化成義務工作幫助社區。令受助者從接受服務中成長同發揮潛能，係義務工作重要嘅一環。
另外，好多朋友都擔心無專業技能幫唔到手，其實關懷同了解先係整個義工服務最重要嘅元素。只要你願意聆聽同埋用心關懷，服務受眾係會完全接收到嗰份心意嘅！
